Lospalos RCL VP Sexta 12/01/2024 = Polisia Nasional Timor Leste PNTL Munisípiu Lautém , Sexta Feira Organija Misa Agradesimento bá , Serimónia Despedidade Komandante PNTL Munisípiu Lautém , iha Komandu Polisia Munisipiu Lautém.
Padre Jolino Vieira SDB liu husi Misa Agradesementu ne`e hateten , Núdar Úmanu iha Mundu La`o sala dalan , maibe nia Finalidade Maromak sei halós Ema nia sala ba lós , ne`eduni , Núdar Ema Katolika , tengki hakbesik Án ba Maromak , hodi hetan Grása , tamba husi Na’in nia Grása mak bele fó dalan diak.
‘’Maske ita la`o sala dalan , maibe Maromak sei nafatin Akompaña nia Emar sira , lori ba dalan Lós , Ita ema iha Mundu barak mak dala ruma la`o sala dalan , maibe Maromak kontinua akompaña no Gúia nafatin nia ema hodi fó dalan lós , maske ho tentasaun oin-oin , nune`e ita hotu tengki nafatin hakbesik ba Na`in Maromak , atu nune`e ita bele moris nafatin iha Maromak nia dalan lós no Justu.’’ Hateten Padre Ijolino Vieira SDB liu husi Misa Agradesementu ba Serimónia Despedidade Komandante PNTL Munisípiu Lautém , iha Komando Polisia Munisipiu Lautém.
Liu husi Misa ida ne`e mós Padre Jolino hateten , ho Na`in nia Grása ita hotu bele hamutuk hodi Agradese ba Maromak ho Knaár foun ne`ebe Komandante PNTL simu , no hamutuk Reja nafatin hodi atu bele hetan rahun diak nafatin , iha Servisu fatin ne`ebe de`it hodi hareé ba Obedensia Estatál no Obedensia Relijioza.
‘’Ohin ita hotu hamutuk iha ne`e , tamba na`in nia Grása hodi ita agradese ba Servisu Komandante PNTL nian durante tinan hirak nia laran , lori Lei no Ordén Estadu nian , hodi Guia Povu sir aba dala ne`ebe lós , no hamutuk Reja nafatin hodi atu bele hetan rahun diak nafatin , iha Servisu fatin ne`ebe de`it hodi hareé ba Obedensia Estatál no Obedensia Relijioza , Hanesan Servidór ba Povu no Estadu , Prontu atu Koloka iha Fatin ne`ebe de’it , maibe Maromak sei nafatin Akompaña nafatin ita nia Servisu , tuir Sabedória no Matenek ne`e nia Hara’ik ba nia emar sira iha Mundu.’’ Dehan Nia.
Entretantu Misa Agradesmentu ne`ebe hala`o iha Igreja São Paulo Lospalos , Munisípiu Lautém ne`e , hetan Partisipasaun husi Autoridade Lokal no Reprezentante Komandante Jeral PNTL , no Membru PNTL Munisípiu Lautém.
Jornalista ; CC
Editor ; NP
