LOSPALOS RCL VOX POPULY= Povu Japaun Liu husi Embaxàdor Japaun ba Timor Leste , hamutuk ho Ministra Sa`ude Quinta Feira ne`e , Inagura ona Postu Sa`ude nebe Konstrui iha tinan rihun Rua , Rua nolu (2020) nebe hetan apoio Fundu husi Povu Japaun ba Povu Timor Leste .
liu husi iha Inagurasaun ba Postu Saude Soru nebe Hetan tulun husi Povu Japaun ba Povu Timor Leste Liu husi fundu asistensia Seguransa umanu ba Komunidade Sira Iha area Rural nebe implementa husi organizasaun naun governamental Haburas Dezenvolve Talentu HADEZTA , ho intensaun Atu lori Fasilidade Saude ba Povu hodi lahusik Ema Ida Iha kotuk.
Administrador Municipiu Lautèm Dominggos Xàvio liu husi Inagurasaun ne`e hateten , lori Povu Municipiu Lautèm nia naran , agradese ba Povu Japaun liu husi Ministèrio Sa`ude Timor Leste nian , bele Construi ona Fasilidade Sa`ude ida iha Povu Sucu Souro , Postu Administrativu Lospalos , Municipiu Lautèm nia Le`et .
‘’ Hau Agradese no orguilho ba Povu Japaun liu husi Ministèriu Sa`ude Timor leste , tamba ho sira nia tulun , Povu iha Sucu Soru , Postu Administrativu Lospalos , Municipiu Lautèm bele asesu ona Fasilidade Sa`ude liu husi Estabelesimentu Postu Sa`ude ihaSucu ida ne`e , nune`e Povu bele asesu Sa`ude ho besik , hau mòs husu ba Ministèriu no Agensi Dezenvolvimentu sira , atu bele kontinua tulun Povu timor Leste ba programa Kuidadu Sa`ude nian ‘’ dehan Administrador Municipiu Lautèm Dominggos Xàvio liu husi serimonia Inagurasaun Postu Sa`ude iha Sucu Soru , Quinta feira 28/07/2022 ne`e
Iha fatin hanesan , Diretòr Ong Haburas Dezenvolve Talentu HADEZTA Francisco de Arauju husu ba Ministèriu Sa`ude atu kontinua fo konfiasaun ba Ong refere , atu bele kontinua Programa kuidadu Sa`ude , liu husi Konstrusaun Posto Sa`ude no Klinika sira iha area remota .
‘’ Ami nia Obra ne`e la`os iha Municipiu Lautèm de`it , maibe iha Municipiu Ermera 1 no Municipiu Viqueque 2 , ne`e duni hau husu ba Ministèriu Sau`de no Povu Japaun , atu bele kontinua fasilita servisu iha area Kuidadu Sa`ude nian , tamba ami mòs hatama tan ona Proposta ida ba Ministèriu Sa`ude atu implementa karik iha aprovasaun husi Ministèrio . iha Biban ida ne`e hau mòs informa katak , kona ba Konstrusaun Postu Saùde ne`e ami voluntariamente halo buat nebe mak , latama iha BOQ , hanesan Fornese Beè Mòs , Lutu no Buat balun tan.’’hateten Diretòr Ong Haburas Dezenvolve Talentu HADEZTA Francisco de Arauju.
Iha Fatin hanesan Ministra Sa`ude Odete Maria Freitas Belo hateten , nia parte agradese ba Povu Japaun liu husi nia Embaxador iha Timor Leste , nebe ho sira nia apoiu konstrusaun , nune`e mòs apoia Programa Kuidadu Sa`ude ba Povu tomak iha Nasaun ida ne`e .
‘’ Agradese barak ba Governu Japaun , liu husi sira nia Embaxada iha Timor-leste , tamba ho inisiativa tomak , bele apoia konstrusaun Postu Sa`ude , iha Sucu Soru Lospalos , no iha Municipiu Sira seluk , La`os iha parte konstrusaun de`it , maibe Governu Japaun mòs Apoia Nasaun Timor leste ho equipamentu Mèdicu no kapasitasitasaun Rekursu Umanu , nune`e apoia ita iha Periodu Pandemia Covid-19 ho Vàxina Covid-19 nian, ne`e duni husu ba komunidade sira , atu tau matan ba Obra nebe iha ona , nune`e bele fasilita Komunidade sira ‘’ hateten Ministra Sa`ude Odete Maria Freitas Belo iha Sucu Soru Lospalos .
Entretantu ; Konstrusaun Postu Sa`ude ne`e , remata iha tinan rihun Rua , Rua nolu , maibe tamba Situasaun Pandemia , iha tinan rua liu ba nune`e Nasaun Timor Leste infrenta Situasaun Pandemia Covid-19 , nune`e hafoin inagura iha tinan ida ne`e.
Jornalista:Sdc
Editor:NP
