LOSPALOS RCL VOX POPULY 10-11-2022 = Equipa tècnicu Secrètaria Estadu Juventude no Desportu SEJD , Quinta feira ne`e hala`o Sosilizasaun kona ba Programa Estimulu Epreendedorismu Social Juventude Suco (EESJS) , Desportu Komunitària no Konstrusaun Kampu Komunitàriu ba Autoridade no Juventude sira husi Posto Administrativu sira , iha Salaun Administrasaun Municipiu Lautèm.
Diretòr Nasional Desportu Escolar no Comunitàriu João Rodrigues ba Jornalista RCL hateten , Sosilijasaun ida ne`e atu Partilha Informasaun kona ba Konsèitu Desportu nian , nune`e ema hotu bele kompriende diak liu tan.
Nia mòs hateten tan , tamba Konseitu Programa ba dada`un ne`e , Secretària do Estadu Juventude no Desportu , halo koperasaun ho Ministèriu Administrasaun Estatal , nune`e ita presija Sosilija kle`an , para ema hotu hatene lala`ok sira , liu liu kona ba Epreendedorismu Social Juventude Suco (EESJS) , Desportu Komunitària no Konstrusaun Kampu Komunitàriu hodi bele Implementa tuir.
‘’ Tamba Konseitu Programa ba dada`un ne`e , Secretària do Estadu Juventude no Desportu , halo koperasaun ho Ministèriu Administrasaun Estatal , nune`e ita presija Sosilija kle`an , para ema hotu hatene lala`ok sira , liu liu kona ba Epreendedorismu Social Juventude Suco (EESJS) , Desportu Komunitària no Konstrusaun Kampu Komunitàriu hodi bele Implementa tuir , tamba Politica Secrètariu do Estadu Juventude no Desportu , hakarak halo viragen Desportu ba ita nia Komunidade , entaun ita ba iha Municipiu, Postu no Suco , atu ita fo oportunidade mòs ba sira atu bele Dezenvolve Àn Diak liu tan , tamba durante ne`e ita dezenvolvmentu Desportu la`o de`it iha nivel Leten de`it , maibe iha Nivel Suco ita Fraku , Tamba ne`e Dezenvolvimentu Desportu ne`e ida ne`e ita tengki hahu husi Baze, nune`e sira rasik bele sente Dezenvolvimentu ne`e rasik.’’ Tènik Diretòr Nasional Desportu Escolar no Comunitàriu João Rodrigues ba Jornalista RCL iha Salaun Administrasaun Municipiu Lautèm Quinta 10/112022.
Nia mòs afirma , dada`un ne`e Konseitu Desportu Komunitàriu iha nivel Suco , Muda oituan hodi koresponde situasaun iha Nivel Sucu nian , nune`e Juventude no Katuas sira mòs bele Partisipa hodi Dezenvolve sira nia talenu Desportu nian , iha nivel Baze.
‘’Agora Konseitu Desportu ita muda oituan , tamba normalmente ita focus ba Bolybal , Futibol no Basketbol , maibe ita ba iha Nivel Suco , tengke Promove mòs ba Jogu Tradisional sira ne`ebe durante atu lakon ona ita bele promove fali , la`os ba Juventude no labarik sira de`it , maibe Ferik no katuas sira mòs bele hola parte iha Desportu Comunitària iha nivel Suco, atu nune`e sira mòs Sente didiak Desportu Comunitària iha nivel Suco no Aldeia.’’ Hateten João.
Entretantu; Atu Dezenvolve Desportu , la`os hahu husi Nivel Nasional, Konseitu Desportu ba dada`un ne`e , hahu husi Nivel Suco , atu nune`e bele Envolve ema hotu , nune`e Dezenvolvimentu Desportu bele forte husi nivel baze to`o ba iha Nasional.
JORNALIS:ACI
EDITOR:NP
