Lospalos RCL VOX POPULY 24/04/2023 = Atu Rè-floresta , no Proteje rai ne`ebe Risku ba Dejastre iha Municipiu Lautèm , Departamento Repatriasaun Territòrial , Floresta Cafè Planta Industria Munisipiu Lautèm , kontinua hala`o Distribuisaun Ai Oan ba Komunidade sira iha Area Risku Dejastre iha Municipiu Lautèm .
Xèfe Departamento Repatriasaun Territòrial , Floresta Kafè Planta Industria Munisipiu Lautèm Raimundu da Crus ba Jornalista RCL Segunda feira ne`e hateten , Departamento ne`ebe nnia lidera ne`e hahu Prodùs Ai oan ho total rihun Tolu nolu iha husi Tinan , rihun Rua , Rua nolu resin Ru (2022) no Distribui ona ba Komunidade iha Posto Tolu iha Municipiu Lautèm , kompostu husi Postu Tutuala , Lautèm no Lospalos , nune`e mòs ba Ong sira ne`ebe servisu iha area Redusaun Dejastre sira.
‘’ Departamento Repatriasaun Territòrial , Floresta Kafè Planta Industria Munisipiu Lautèm , kada tinan sempre prodùs Ai oan , hahu kedan iha tinan 2022 ho total 30.000 , no hahu Distribui ona ba Komunidade sira , iha Postu Administrativu 3 mak hanesan Tutuala , Lospalos no Lautèm , no mòs Ong 3 iha Municipiu Lautèm ne`ebe hola parte ba Servisu Programa Agro Floresta mak hanesan ba Fraterna , Prospek no Fundamor , no ba Postu Adminiatrativu sira seluk sida`uk distribui tamba kondisaun Estrada . hakarak informa mòs katak , Ai oan ne`ebe Prodùs no distribui ona ne`e mak hanesan , Mahoni , aiteka , Rambutan,Alvija , Café , no Flamboyan. Municipiu atu bele rè-Floresta no proteje Rai ne`ebe risku ba Dezastre Natural iha Munisipiu Lautèm.’’ Hateten Xèfe Departamento Repatriasaun Territòrial , Floresta Kafè Planta Industria Munisipiu Lautèm Raimundu da Crus ba Jornalista RCL Segunda 24/04/2023.
Nia mòs Informa , Grupu ba Alvu Targetu ba Distribuisaun Ai Oan ne`e mak hanesan iha Suco Lima iha Postu 3 mak hanesan , Pairara iha Postu Lautèm , Bauro , Muapitine , Fuiloru iha Lospalos , nune`e mòs Sucu Mehara iha Postu Tutuala .
‘’ Ami nia Alvu Distribuisaun Ai Oan ne`ebe ami Prodùs ona mak , iha Suco Lima iha Postu 3 mak hanesan , Pairara Postu Lautèm , Bauro , Muapitine , Fuiloru iha Postu Lospalos , nune`e mòs Sucu Mehara Postu Tutuala , no iha Postu Administrativu Luro , Iliomar no Lorè to`o agora sida`uk , tamba kestaun Transporte no Kondisaun Estrada , maibe ba hirak ne`e ami sei distribui , karik Grupu balun hakarak , no ba Oin ami sei kontinua Prodùs , tamba Programa Distribuisaun ne`e mòs hola parte ba Programa Agro Floresta iha Municipiu Lautèm.’’ Raimundu Informa.
Entretanto;Dirasaun geral Floresta , Café Planta Indistria , liu husi Departamento Repatriasaun Territòrial , Floresta Kafè Planta Industria Munisipiu Lautèm sei kontinua Prodùs ai oan , nune`e bele distribui ba Komunidade sira ne`ebe hela iha area Risku Dezastre , nune`e bele proteje Rai ne`ebe konsidera Risku ba Dejastre Natural .
Jornalista ; Sinta&Linda
Editor ; NP
