Lospalos RCL VP 12/10/2023 = Muápitine Oan sira , Kompóstu husi Juventúde , Família Vitima , Vetéranu , no Komunidade Tomak , Organija Kompétisaun Futebol Táxa Rotativa Masakre Muápitine tinan Rihun Ida Walu nolu resin Tolu Sub – Ruanolu (U-20), ho tema Prepara no Promove Fini Foin Sa`e ho Talentu Futebol ne`ebe hala`o iha Kampu Futebol Lospalos Quinta feira ne`e .
Kompetisaun Taça Rotativa Masácre Muapitine 1983 ida ne`e realija , hodi Hanoin hikas Uniku Trazedia Maskre Muapitine ne`ebe akontese iha tinan Ha`at nolu liu ba , Hasa`e Onra no Glória ba sira Na`in Lima nia Sakrifisiu no dedikasaun tomak ba luta libertasaun Pátria no Povu .
Prézidente Komisaun Organijadora ba Eventu Kompetisaun Taça Rotativa Masakre Muapitine Ameliu Ximenes Garsia (Mau Alsi) ba Jornalista sira infórma , Kompetisaun Taça Rotativa Masácre Muapitine ne`e realija , tamba Insiativa Komunidade no Familia Vitima , liu husi kontribuisaun Muapitine Oan sira ne`ebe Servisu iha rai laran no rai Liur , hamutuk ho Veteranu sira ,no Ajudu Fundu husi Ministériu Juventude Desportu Arte no Kultura Timor Leste.
‘’Taça Rotativa ida atu Komemora loron Masakre Muapitine bad ala Hát nolu 40º ne`ne`ebe akontese iha loron 8 / 12 / 1983 , no ida ne`e Insiativa Komunidade no Familia Vitima , liu husi kontribuisaun Muapitine Oan sira ne`ebe Servisu iha rai laran no rai Liur , hamutuk ho Veteranu sira nian ,no Apoiu Fundu husi Ministériu Juventude Desportu Arte no Kultura Timor Leste ho Montante $5000.00. Atu Gasta ba Kompetisaun ida ne`e husi inisiu to`o remata -+ $20.000.00 liu , inklui Fundu husi Governu . total Glubu Futebol U-20 ne`ebe Regista no sei tuir Eventu Kompetisaun Taça rotative ida ne`e hamutuk Glubu 17, Prosesu Rejistrasaun Glubu ne`e nakloke , maibe tamba tempu , Glubu 17 de`it mak konsege rejistu no sei Kompete iha Taça Rotativa Masakre Muapitine 1983 ba tinan ida ne`e , no Eventu ida ne`e sei hala`o kada tinan, Glubu ne`ebe Joga Primeiru mak Glubu Uma Nain FC Masakre Muapitine Versus FC Tokodede .’’ Infórma Prézidente Komisaun Organijadora ba Eventu Kompetisaun Taça Rotativa Masakre Muapitine Ameliu Ximenes Garsia (Mau Alsi) ba Jornalista sira iha Kampu Futebol Lospalos Quinta 12/10/2023.
Husi Sorin Seluk Komandante PNTL Munisípiu Lautém Inspetór Polisia Antoniu rego Fernandes hateten , Antes to`o iha Abertura Kompetisaun Taça Rotativa Masakre Muapitine ida ne`e , Komisaun Organijadora , halo ona Konsultasaun ho Parte Seguransa , atu husu Apoiu Seguransa ba Eventu ida ne`e , ne`eduni Parte PNTL sei Garante Seguransa ba Eventu Istóriku ida ne`e , tamba Kompetisaun ida ne`e , la`os hanesan Taça sira seluk , maibe Taça Rotativa ba Komemorasaun loron Masakre Muapitine , ne`ebe akontese iha tinan 40 liu ba .
‘’Antes ne`e Ekipa Komisaun Organijadora halo ona Kordenasaun ho Parte PNTL Munisípiu Lautém , atu husu Apoiu Seguransa ba Eventu ida ne`e , Parte PNTL iha ona Preparasaun hodi Garante Seguransa ba Eventu Istóriku ida ne`e , tamba Kompetisaun ida ne`e , la`os hanesan Taça sira seluk , maibe Taça Rotativa ida ne`e atu Komemorasaun loron Masakre Muapitine , ne`ebe akontese iha tinan 40 liu ba , Matebian sira ne`ebe Mate iha Masakre Muapitine Hamutuk ho ita , iha ne`e hodi asisti Kompetisaun , Nune`e husu ba Jogador sira atu Joga ho Amigavel , fiar ba Arbiteiru sira desijaun no Apela ba Ema hotu ne`ebe asisti Jogu ida ne`e , atu Kopera Nafatin ho Parte Seguransa hodi asegura Eventu Kompetisaun ida ne`e husi inisiu to`o remata , ho ita nia Koperasaun hotu , ita bele halo susesu Eventu ida ne`e , nune`e Problema ne`ebe karik mosu hamutuk hodi rejolve iha Kampu , labele lori ba liur hodi perturba Situasaun Jogu nian.’’ Dehan Inspetór Polisia Antoniu rego Fernandes.
Entretantu;Kompetisaun Taça Rotativa Masakre Muapitine ne`e sei la`o to`o Dezembru Rihun Rua Rua nolu resin Tolu , no ba Glubu ne`ebe hetan Kampionaty , sei hetan Taça no Premiu Osan ne`ebe Komisaun Organijadora Prepara ona.
Jornalista ; silisi
Editor ; NP
