Lospalos RCL VP Quinta 11/01/2024 = Sekretária Estadu Arte no Cultura (SEAC) hatuún ona Orientasaun no notifikasaun iha Iha fulan Novembru tinan 2023, Fungsionariu Kontratadu Kazuais Hamutuk Na`in Saolu resin Ida iha Sentru Kultura Munisípiu Lautém , hapara ona sira nia servisu , Préjudika Servisu Kultura nian , tamba Fungsionariu Permanente ida mak durante ne`e hala`o Knaár.
Xéfe Sentru Kultura Munisípiu Lautèm Bernardo Caldas ne`ebe Jornalista sira hasoru iha nia servisu fatin Quinta feira ne’e hateten, Funsionariu kontratadu kazuais na`in Sanolu resin Ida ne`ebe hala`o kna’ar iha Sentru Kultura hapara ona nia servisu , Bazéia ba Orientasaun no Notifikasaun husi Nasional , nune`e Servisu iha Sentru Kultura lá la`o Efektivu ona.
‘’ Iha fulan Novembru tinan 2023,tuir Orientasaun no Notifikasaun husi Sekretária Estadu Arte no Cultura (SEAC) nian katak,Funsionariu kontratadu Kazuais hamutuk nain 11 hapara ona nia kontratu to’o agora ne’e , no funsinario permanente na`in 1 mak halao nia kna’ar iha centru cultura Lospalos, nune`e Laiha ona Efetívidade servisu , tamba Fungsionariu permanente Na`in 1 de`it ona .’’hateten Xéfe Sentru Kultutra Munisípiu Lautèm Bernardo Caldas ba Jornalista sira iha nia servisu fatin Quinta feira 11/01/2024.
Bernardo Caldas mos husu nafatin ba Ministeiru nebe Relevante , atu bele tau matan ba asuntu ida ne`e , tamba hapara kontratadu kazuias sira hotu servisu ne`ebe mak iha centru kultura labele lao ona.
‘’Hau husu nafatin ba Ministeiru nebe relevante atu bele tau matan ba ida ne’e, hodi reativa fali ba kontratadu kazuais hamutuk nain 11 ne`ebe mak hapara ona nia servisu, atu nune`e bele kontinua nia servisu nafatin ba oin , tamba servisu hamutuk ne’e mak importante ba kada instituisaun,maibe ema ida deit mak hala`o nia kna’ar iha instituisaun ida servisu labale lao ba oin . ‘’ Bernardo Caldas dehan mai ita.
Hanesan Xéfe , Bernardo sente triste , tamba hapara funsinario kontratadu kazuais ida ne’e servisu iha Sentru Kultura labele la`o ona ,tamba durante ne’e funsionario permanate nain ida deit mak halao nia kna`Ar iha husi Novembru 2023 to`o agora .
Jornalista ; syda
Editor ; NP
