Lospalos RCL VP 23-04-2024 = Apoiu Lideransa Mentoria no Aprendizazen (ALMA) halao Encontru hamutuk ho Grupo Tekniko Edukasaun Munisipiu Lautem hodi koalia kona ba oinsa atu Apoiu ba Lider Eskola no Manorin sira ho Efektivu iha Escola, hodi kontribui ba hadia Literasia no Numerasia Labarik sira nian.
Direstur Educasaun Munisipiu Lautem Anibal Fernandes liu husi Encontru ne`e hateten,Objétivu ba Encontru ida ne`e , Atu fornese Mekanismu ida ba Fortalesimentu Supervizaun no Implementasaun ALMA ,hodi Meloria kualidade Educasaun iha Munisípiu Lautém.
‘’Objétivu Encontru ida ne`e atu fornese Mekanismu ida ba Fortalesimentu Supervizaun no Implementasaun ALMA , hodi bele meloria kualidade Educasaun iha Munisipiu Lautem, liu husi Estabelesimentu Grupo trabalho tekniko ne`e , bele haforsa Prosesu Aprendijajen iha Escola sira iha Munisípiu lautém.’’ Hateten Anibal
Iha Sorin seluk Superitendente Educasaun Munisipiu Lautem Ermelinda Pereira mos hateten,nia parte Apresia ho Programa ALMA nian ,tamba liu husi Programa ne`e bele Eléva Kualidade Edukasaun hodi Dezempeña manorin sira no Alunus sira.
‘’Hau Apresia tebes ba Programa ALMA ida ne`e ,tamba liu husi Programa ne`e bele Eleva Kualidade Edukasaun hodi Dezempeña manorin no Alunu sira , Ida ne`e mak ita hotu nia hakarak,tamba ne`e mak Kualidade Edukasaun ita bele atinji iha Munisipiu Lautem , liu husi maneira nebe oin-oin.’’ Tenik nia.
Entertantu:Encontru ida ne`e la`o ho diak , tamba hetan partisipasaun husi Servisu Edukasaun Munisipiu Lautém nomos Grupo Trabalho Tekniko nomos Mentorin Edukasaun Lautém.
Jornalista;syda
Editor;NP
